بسم الله الرحمن الرحيم
من خلال دراستي لي 096 للغة الانجليزية في كلية البنات قبل لا احول حق الاداب
دكتورتنا كانت تعطينا بريزنتيشنات وكنا كلنا طبعا انخاف من البريزنتيشن وما انام يوم قبلها رعب رعب
وطبعا حزة الالقاء الصوت يرجف الجسم يرجف المعلومات اطيير
المهم في يوم قالت لنا دكتورتنا : وانا قاعده على النت لقيت لكم شي اسمه توست ماستر
شنو هذا توست ماستر ؟
توست ماستر هذه منظمة موجودة بالكويت اتعلم فنون الالغاء والاصغاء والتفكير
طبعا اهي فكرتها يايه من برة
شنو يعني توست ماستر
توست مو يعني الخبز المحمص لا
توست الي اهو النخب
ماستر يعني الرئيس ان اهو قوي بما معناه
المهم شنو القصد منه
ان شنو عند الاجانب لما واحد يقدم التوست الي اهوا النخب يقدم معاه خطاب ارتجالي
فهذي المنظمة اتساعدك \ تساعدج على انج اتقديمن الخطبة بدون خوف حتى وانت\ انتي غير مستعد\ مستعده لها
وجدام الناس طبعا
لما رحنا هناك طبعا ناس راح يساعدونا في ان انعرف اشلون انقدم الموضوع وجدام الكل
بصراحه انا يوم رحت كنت وايد خايفة وايد مرتبكة
اول مرة طلعت عطوني موضوع قالولي تكلمي عنه تكلمت يمكن نص دقيقة والحاله حاله
وطبعا الجمهور الي قاعد ذكور واناث مو بس طالبات مثل الجامعه
المهم مرة على مرة تعودت وقمت اقول البريزنتيشنات عااااااادي ولا يهمني
قمت القي الموضوع جني قاعده اسولف مع البنات
فحبيت اقولكم عن هالمكان عشان اتروحوله وتتعلمون منه وبنفس الوقت تستفيدون منه
هذي مقاله عنه في جريدة الوطن عشان اتعرفون شنو اهو بالضبط
وهذا الموقع له بالنت
ليست هناك تعليقات:
إرسال تعليق