بسم الله الرحمن الرحيم
من الأشياء الي تعلمتها بحياتي أن الانسان لازم يكون عنده صديق عشان يعبرله عن مشاعره يوقف معاه يساعده يشكيله همة أو يطلع معاه يستانس معاه, ويكونون أصدقاء لآخر العمر.
أنا وحده مع الاسف صارت لي عقدة من هالمسئلة , كان عندي صديقيتن ثنتين وأهم أقرب الصديقات لي لكن مع الاسف تفرقنا على اسباب ما كنت اعتقد ان هالاسباب راح اتفرقنا عن بعض .
بس انا حاز بخاطري ابي صديقه أعبر لها أشكيلها استانس معاها الي صار ان ماكو , والمشكلة ان الصداقه الحين صارت مصلحه يعني عقب ما يخلص الكورس الدراسي الي مدته 3 أشهر , البنت اطوف يمي ما كأنها اتشوفني اشدعوة السلام لله , ولا بس خلصت المصلحة ؟!
أشكال وايد طافت علي فأنا من هالناحية ما قمت أفكر فيها وايد لأن خلاص قمت أقول ان الصداقات تيي واتروح وصار عادي عندي ما يفرق معاي.
بس الحين في هالفترة من الدراسة كل البنات لازم يطيحون في قروبات عشان يشتغلون في عمل او نشاط أو شغل حق الجامعة. وأنا مااشالله كل ما اختار مجموعة من البنات العادة انا ما اختار اي مجموعة وبس لازم ادري ان اهم صديقات وحييل قراب من بعض لأن بصراحه انا وحده ما أحب الهواش.
يا محاسن الصدف , كل قروب اختارة جذي لازم يتخانقون ماكو حظ مثل ما يقولون . ويتخانقون على سبب يضيق الخلق الي اهو ان شخص ثالث يدش بالموضوع .
انزين ما أفهم هالبنات ليش يسوون جذي الحين هذي رفيجتج من عمر واتشكين فيها وانا برايي عيب هالشي ان يصير خصوصا واحنا ناس كبار وفاهمين على امور الدنيا ليش الطعن بالظهر وليش هالسوالف هذي كلها اتصير؟
انزين تخانقتي مع رفيجتج و احنا مجموعة وعندنا شغل فصلي بين خنقتج معاها وبين الشغل يعني انا اسوي الشغل كله بس عشان لأن هذي ما تبي اتشوف ويه هذي وهذي ما تبي اتشوف ويه هذي
شي يضيق الخلق ويحز بالخاطر
عموما الي أحب اوصله من هالموضوع ترة جد الصداقات شي مهم في حياة الانسان وانا قارية في كتاب عن الصداقات يقول الطبيب النفساني الي كاتبة ان مرة ياله واحد يشتكيله عن همومة قال الطبيب الكاتب انت عندك رفيج تثق فيه واتقوله هالمشاكل ؟ رد عليه المريض قال له اي عندي . قال الطبيب خلاص عيل منت بحاجه لي .
فأنا وحده تحب الصداقات واتحب العلاقات الحلوة الي تصير لان صج الانسان يعيش مرة بعمرة فماله داعي يخلي علاقاته كلها مصالح وهواش وحاله
خن نحب بعضنا ترة هذا يزيد من حبنا لنفسنا وحبنا لبعض
وهذا الشي يقلل من الفتن الي قاعده اتصير هالأيام
وخل نكسر كلمة من المستحيلات الثلاث الخل الوفي :)
.jpg)
