الجامعه والتطبيقي وديوان الخدمه المدنية

موضوعي يتعلق بالوظائف

انا خريجة جامعة الكويت كلية الاداب تخصص اعلام
طبعا ليش تخصصي مو مرغوب وما عندي واسطه اشتغلت في وزارة معاشي يفرق عن خريجة المعهد التطبيقي 70 دينار
كنت اقول الحين دشيت جامعه وحالتي حاله عشان معاشي يفرق عن خريجة المعهد 70 دينار
انا ماراح اييب طاري الواسطه لان الموضوع طويل وماله حل

بس لما خريج الجامعه يتخرج عشان يشتغل سكرتير او ينطر بالسنين عشان يشتغل  بالمكان المناسب

انا عندي حل واقتراح حق الديوان ان تتفق مع الجامعات والمعاهد والله هالتخصصات مو مرغوبه وماكو وظائف تصكر هذه التخصصات والطلبه يدرسون الوظائف الي الدوله بحاجه لهم
واهم
الطب- الهندسه - الصيدله - الحقوق - كلية التربية - العلوم الادارية
والمعاهد يخلون تخصص السكرتارية ما عندي فكره عن تخصصات المعاهد بس الي الاحظه معظم الوزارات بحاجه الي سكرتارية

غير ان الوظائف الحكوميه ما قاموا يقبلون طلبات التوظيف من اي احد الا اسم وشكل ونسبة قبولهم للذكور في الوظائف اكثر من البنات بسبة ان البنت ما تشتغل شفتات مع ان في بنات ما عندهم مانع

الله يوفق الجميع والي عنده واسطه يروح يتخصص التخصص الي يريحه

المظاهر

انا ما ادري شلون راح ابتدي  بالموضوع بس ان الي بخاطري بقوله

كنت في class المهم من النقاشات الي دارت ان واحد عمره 21 تزوج وحده عمرها 24

عقب الملجه زوجته سوت له مشاكل الي تعرفت على غيره وتبي تتطلق منه ومن كثر المشاكل الي سوتها خلت امه تدش المستشفى

وكانت تقوله انشالله اشوف حرتي بعيونك وماتشوف شر انت وامك

اهو ليش تزوجها؟؟ عشان اهي كانت حلوه مع ان اهي اكبر منه

 هني يبدي موضوعي

ليش الشباب وايد واااااااااايد يهتمون حق اسم وشكل وفلوس البنت

انت تبي انت تعيشها واترزها ولا اهي الي تصرف عليك واترزك

المشكله اي بنت لو تكون بس حلوه او بس عندها فلوس او بس عندها اسم عايله يغفر لها اي شي ثاني

مع الاسف عرفت ناس وايد يغفرون للمراه من النوعية هذي اي شي زين مايغفر لها حتى لو تخونه او يمكن وصل ان يغفر لها وانا ما ادري

والبنت المسكينه الفقيره خل يوم تمرض وماتسوي غدا شيصير فيها

يعني الي بقوله البنت ام مميزات حتى لو ما عندها اخلاق مو مهم المهم ان تشيله  وتشيل اهله

غير هذا شنوذنب البنات العاديات الي قاعدين ويرضون اب اي واحد بسيط وعايلته عاديه وتتحمله وتتحمل غثاه بس لانه حظها ان طلعت بنت عاديه  و يمكن توصل في ان تعنس لان الشباب الزينين ما ندري وينهم بعد

الشغله الثانيه الي بسولف عنها

ليش عمره 21 بيتزوج بله هالعمر شنو شاف من هالدنيا توظف يمع فلوس سافر شوف الدنيا بعدين تزوج

حلاته الرجل يتزوج من عمر 25-30

ثالث شغله الي بسولف عنها

ليش احنا ما عندنا نشاطات تجمع بين الشاب والشابه

عشان الاثنين يعرفون هذا الشخص يناسبه ما يناسبه

ويكون طريقته تعارفهم بالاحترام

يعني مو فراره وقز وترقم

نشاطات تساعد في تنمية النفس والدوله

لحد يقولي الناس تغيروا محد تغير
يوم كنت بالجامعه كان الطالب الجامعي محترم ما يسوي حركات ولايغازل ليش لان الرجل سمعه
اي شي يسوي بيشتهر على مستوى الكويتيه ان اهو مسوي هالحركات لان ماكو الحين عايله مافيها احد بالجامعه والمعهد

الي اتمناه ان الشباب يميزون بين البنت الزينه وما تهمهم المظاهر لان ماكو شي يدووم

تسلم ايدك يا خالد

خالد ولد عمتي الغالي انا ماني عارفه اشلون اشكرك على تصميم صفحتي غير اني اكتب لك هالكلام

انشالله الله يوفقك بكل شي ويخليك لاهلك الي اهم احنا

تسلملي والله

عدنا والعودة احمد

بعدعناء وصراع مع نفسي

قررت اني ارد حق البلوق

اول مره شخبوطه شجعتني

والحين ولد عمتي

وهم دام اني فاضيه بكتب كل الي بخاطري بصراحه

موقف مو حلو

احم

صارلي موقف بصراحه لا يدل على الشهامة ولا الرجولة ولا الاخلاق

شنو كنت رايحه معرض السيارات الوكلات الي بالشويخ قلت بشوف السايير لان خاطري اشتريلي سيارة يديدة

المهم

رفيجتي كانت معاي بالسيارة

شنو صار الموقف ان شاء الله اوصفه صح وطريقة مفهومة

كانت اكو سيارة بتطلع

هالسيارة وراها لفة

يعني لفة السيايير تدخل لها

وانا وراها

انا شفتها انها بتطلع , جان اترك اني ابي الموقف

على الحظ السيارة داخلها اثنين رجال مغترين, نزل واحد فيهم جان يأشرلي ما تصفطين وراح وقف مكان الموقف وخله رفيجه يدخل الموقف

الحين انا طاقه الاشارة قبلك

ومن الادب ان انا وراها وانا الي شفته فاصفط قبل

ولا يضحك يكون دمه خفيف يقولي عطيني دينار واطلع من الموقف

انا بصراحه مو هامني الموقف لان ماكو مشيت سيارتين لقيت موقف فاضي

بس ان ريال ينزل من عقب ما انا تركت اني ابيه وياخذه اهو بصراحه طاح من عيني

اقول حق رفيجتي احنا هالجيل الي راح نتزوجه

حسافه والله

تحياتي ..

happy birthday to me

بسم الله الرحمن الرحيم

كل عام وانا بخير

اليوم عيد ميلادي وصار عمري 24 سنة

طبعا مستانسة ان في ناس تذكرني واتحبني لي الحين ومن صارت الساعه 12 بالليل دزوا المسج

هذول كلهم انا اشكرهم واحبهم من كل قلبي وراح دوم اذكرهم

بس هم في شي ثاني يضيق خلقي اني كبرت سنة

وانا لو الشي اب ايدي ما اخلي نفسي اكبر

ابي اظل صغيرة .. ابي اظل بريئة

وهم ان صار عمري 24 وما سويت انجاز بحياتي

ولا حققت طموحي

يمكن ان شاء الله على السنين الياية

بس من اليوم قطعت عهد على نفسي

فيني اشياء بغيرها ولازم اغيرها

وان شاء الله اغيرها

لان ساعات انسى نفسي وارد حق طبيعتي

تحياتي

ام الكوك

احتفالات العيد

بسم الله الرحمن الرحيم

احم

انا عندي تعليق صغير

ياناس عيد

ما ادري

تطلع بالشارع غبار

وين الزينة وين الليتات وين الألعاب النارية وين الاحتفالات

نبي انحس انه عيد

يا سينمات يا مطاعم

انزين بهالمجمعات سوو استعراضات

خنغير جو

المشكلة مو الكل يقدر يسافر

يعني انا بنية مو متزوجة اشلون بله اسافر بروحي ما يصير

ومو معقولة انطر اتزوج عشان اسافر واستانس بالعيد!!!