ستاربكس

بسم الله الرحمن الرحيم

في يوم الأحد عقب ما خلصت من المحاضرة قالت لي رفيجتي ابي قهوة خنروح ستاربكس

قلت لها يله اوكي وأنا ابي فرابتشينو ابي شي بارد ويا هالجو الحار

ورحنا ستاربكس طبعا نطرنا طاااااااااابور حشى ما ادري شيوزعون حلاو والله لو ان ماكو غيرة بالجامعه جان طلبنا أشياء ثانية

المهم يه دورنا جان تطلب رفيجتي القهوة جان تقول حق الي تبيع how much?

قالت لها 1,950 دينار وتسع مائة وخمسين

انا ياتني صدمة مو طبيعية قهوة اب دينارين الا خمسين فلس شنو اشطالبة غدا كلها قهوة , انا هني هونت قلت مابي اطلب طلبي

رفيجتي ضحكت قالت لي يالبخيلة اشدعوة

قلت لها لا والله لا بخل ولا شي بس هل من المنطق اني ادفع دينارين عشان قهوة .

لو اروح الجمعية واشتري جيس قهوة واسويلي 100 فنجان قهوة ما يطلع علي دينارين

يعني انا طالبة في جامعة الكويت وتيي الاعانه الجامعية وأهلي ما يقصرون وحالتنا المادية فوق المتوسط

بس لما يكون الواحد حالته عادية وفقط عايش على الاعانة هذا مصدر دخله شنو يصرف دينارين على قهوة

هذي القهوة بأمريكا اخاف بس تنباع بدينارين

وهني الكويتيين مع الاسف مسوين من ستار بكس مكان كشخه اييون له كاشخين ولابسين احلى ما عندهم ويقعدون فيه بالساعات واهو القصد من ستار بكس ان الواحد ياخذ قهوته ويمشي أو يسوي شغله واييب الاب توب ويقعد هناك .

ما ادري وبعدين مالك ستار بكس مو ناقصة فلوس عشان يسوي القهوة بدينارين

القهوة مو اختراع يديد

فانا اطالب في النظر في هذا الموضوع

والي يقرأ موضوعي عنده راي في هذا الموضوع يقولة

وشكرا :)