بسم الله الرحمن الرحيم
اليوم اول يوم عيد الفطر السعيد
طبعا عادة كوكو تقعد قبل اسبوع اتحن على امها واختها وين اتروح بالعيد عقب ما انخلص زوارات من الاهل
:( عاد هالعيد علي غير لان توني متوظفة ادري واهلي ماراح يعطوني عيدية
يله ما عليه
المهم
عقب التدوير بالجرايد ما لقيت الا مسرحية الانس الجن حق الفنان القدير عبدالعزيز المسلم
عاد انا متعودة على طارق العلي ومسرحياته الي صج اتضحكني وصج لها مهنى بس هالسنة ما سوى يله العيد الياي ان شاء الله
المهم
حجزت حق المسرحية عقب ما صارت لي قصة قصيرة حنيت على اختي الا اتيي معاي وخذا مني يومين واخيرا قالت اي
ويوم رحت احجز حق المسرحية ..قلت قبل اترس بانزين وانا بمحطة البنزين توقف بطارية السيارة ويسوولي جيرج واوديها القراج.. وغيرولي البطارية ورحت عقبها احجز وحجزت حق اول يوم العيد ..طبعا اسعار التذاكر زايدة
انا خبري فيهم 10 ,7, 5
الحين صاروا 15 , 10, 8
المهم ورحت المسرحة اول يوم العيد
انا ما ادري شقول عن المسرحة
اهي حلوة الفكرة انها مسرحية رعب فكاهية.. بس ملينا من التعليقات القديمة
ملينا ملينا ملينا
اهو في قصة مو مع رعب بامكانها تنحط بفكرة ثانية
وبعدين بس المسلم الي تمثيلة صح ولا تكلم اضحكوا الناس
ونهايتها حزينة حسافة
وبعدين ما ادري فيها سخافة تعليقات سخيفة .. مسرحية بس حق مراهقين واطفال
احنا الكبار وين انروح ؟؟
بس هذا الي كنت حابة اقوله
:)
السلام..
ردحذفاهم شي غيرتي جو..
وسالفة التعليقات القديمه بالمسرحيه وايد منغثين منها ..
وليش زادو الاسعار ماله داعي خو ياريت المسرحيات اسكت :)
ومشكوره خيتو..
لا تدرين اكتئبنا يوم بالمسرحية
ردحذفاهو اهم شي الاسعار اصلا
حياتيانتي الي مشكورة