أم البنات

بسم الله الرحمن الرحيم

طبعا اول شي حابه اقول حق كل واحد يقرأ البلوق مالي كل عام وانتم بخير

وعيدكم مبارك

وعساكم من العوادة ان شاء الله

خل ابدي

مسلسل ام البنات

طبعا هذا المسلسل يعرض على القناة الاولى الساعه اربع العصر

بطولة الممثلة الكبيرة سعاد عبدالله

وايضا غانم الصالح

طبعا وباجي الممثلين

انا بس عندي نقد على هالمسلسل

1- بصراحة اخر اربع حلقات ما منهم فايدة قاعدة اطالع شي تافه يعني ابي شي مفيد يصير بهالاربع حلقات ماكو الي اهم حلقة 26 و 27 و 28 و 29

2- الأجانب لا يمكن يحطون لقطه ما منها داعي ومسلسل ام البنات حوارات مالها داعي لقطات مالها داعي

3- هذا يعبر عن رايي الشخصي صراحه سعاد عبدالله ما اعرفت تييب دور وحده طيبة

4- وبعدين لما سعاد طلبت الطلاق من عقاب (غانم الصالح) شدعوة شدعوة المحامي ما قال لها ان لها حقوق وهالحقوق كلنا انعرفها

طبعا حقها يكون لها نفقة لمدة سنتين والبنات لهم نفقة لين يتزوجون وتقدر تطلب بيت وسايق وخدامة شنو جذي اتروح مكان ما ادري اشلون صاير تسكن فيه وبتفهموني ريال يشرب تكون شخصيته زينه ويدافع عنهم !!!

بدال لا تقول اخاف يشرب وما ادري شيسوي فينا يدش علينا واحنا كلنا بنات ؟؟؟؟

5- ما ادري اذا يصير اتسمي الولد الي يابته بشاير الثاني صقر ؟؟؟

6- وبعدين صراحة خنكون واقعيين منو اكو الحين مرة تغسل ريل ريلها واذا اكو وانا وحده ما اقول هالشي غلط بس اذا كان الريال يستاهل هذا يبين اناني لا يرضى يطلعهم ولا يوديهم مكان وحياته معاهم زف بزف تهديد بتهديد هم اغسل ريله مو منطق

7- خالد البريكي ضابط دوره عدل يايبها صح ان اشلون اهو عمي بس ما بين حق احد ان اهو يقدر يشوف ,خالد البريكي صراحة صج يعرف يمثل,بس سالفة ان عمي واهو يشوف هم مالها داعي يا عمي يا يشوف

8- وتعالوا شفتوا حلقة اليوم 29 اخو سعاد عبدالله طلع من السجن (يسوون له نون ) النون يا ناس انا خبري فيه انسويه حق الياهل الي توه يسنن,يحبي, يمشي, اما ريال توه طالع من السجن هذي يديدة علي جان يصير وانا ما ادري الله اعلم

بس هذا كل الي عندي طلعت كل الي بقلبي

وشكرا

ملاحظة : كل الكلام المكتوب تعبير عن رايي الشخصي