احم
صارلي موقف بصراحه لا يدل على الشهامة ولا الرجولة ولا الاخلاق
شنو كنت رايحه معرض السيارات الوكلات الي بالشويخ قلت بشوف السايير لان خاطري اشتريلي سيارة يديدة
المهم
رفيجتي كانت معاي بالسيارة
شنو صار الموقف ان شاء الله اوصفه صح وطريقة مفهومة
كانت اكو سيارة بتطلع
هالسيارة وراها لفة
يعني لفة السيايير تدخل لها
وانا وراها
انا شفتها انها بتطلع , جان اترك اني ابي الموقف
على الحظ السيارة داخلها اثنين رجال مغترين, نزل واحد فيهم جان يأشرلي ما تصفطين وراح وقف مكان الموقف وخله رفيجه يدخل الموقف
الحين انا طاقه الاشارة قبلك
ومن الادب ان انا وراها وانا الي شفته فاصفط قبل
ولا يضحك يكون دمه خفيف يقولي عطيني دينار واطلع من الموقف
انا بصراحه مو هامني الموقف لان ماكو مشيت سيارتين لقيت موقف فاضي
بس ان ريال ينزل من عقب ما انا تركت اني ابيه وياخذه اهو بصراحه طاح من عيني
اقول حق رفيجتي احنا هالجيل الي راح نتزوجه
حسافه والله
تحياتي ..
السلام عليكم..
ردحذفازيك؟؟
خل يولي يستخف دم جان شفطتي بويه خخ..
خلصوا الرياييل ع حظنا اهي اهي ..
مرسي خيتو..
وان شاءالله هالمواقف اللي مو حلوه ماتتكرر..
شفطت افا عليج لا توصين
ردحذفسكتي صارلي موقفين ثانيين مو حلوين بالأفنيوز راح اكتبهم خخخ
بصراحة موقف مو حلو .. واهوا لو ريال صج جان ما سوى هالسوالف..
ردحذفتدرين ،مرة كنت طالعة من الجمعية والا اسمع هررررررن شايل ، أثاري وحدة تطق هرن حق واحد صفط بمكان هي كانت تنطره وطاقة اشارة مثل سالفتج..
المهم ، ما شالت إيدها من الهرن إلا لما الريال طلع سيارته مرة ثانية..!!
تخيلي وقفوا كل الناس يطالعون شسالفة ..
هذاك استحى على ويهه .. سحب السيارة وطلع موليه ...خخخخخخخ
مو هامه المصفط
ردحذفيبي يضحك معاج شوية ويسولف
بدين يقولج هذا رقمي
لا عل ولا اخلاق
حركات الشباب صايرت بايخة
شكراً
مي نمول سوري على الرد المتاخر
ردحذفبس مي صراحه زين اتسوي فيه
نمول صح كلامك الشباب حركاتهم صارت بايخه